ఆంధ్రప్రదేశ్లో విద్యార్థులకు శుభవార్త అందింది. రాష్ట్ర ప్రభుత్వం అమలు చేస్తున్న ‘తల్లికి వందనం’ పథకానికి సంబంధించిన నిధుల విడుదలపై ముఖ్యమంత్రి Nara Chandrababu Naidu కీలక ప్రకటన చేశారు.
2026–27 విద్యా సంవత్సరానికి సంబంధించిన ఈ పథకం నిధులను జూన్ నెలలో తల్లుల బ్యాంక్ ఖాతాల్లో జమ చేస్తామని తెలిపారు. పాఠశాలలు, జూనియర్ కాలేజీలు తిరిగి ప్రారంభమైన వెంటనే ఈ డబ్బులు విడుదల చేస్తామని స్పష్టం చేశారు.
ఈ పథకం కింద ఒక్కో విద్యార్థికి రూ.15,000 చొప్పున ప్రభుత్వం అందజేస్తోంది. గత ఏడాది కూడా విద్యార్థుల తల్లుల ఖాతాల్లో నిధులు జమ చేసిన విషయం తెలిసిందే.
నెల్లూరు జిల్లా వింజమూరులో జరిగిన కార్యక్రమంలో మాట్లాడిన సీఎం, కూటమి ప్రభుత్వం పేదల సంక్షేమానికి అనేక పథకాలు అమలు చేస్తోందని తెలిపారు. రాష్ట్రంలో ప్రతి నెలా పింఛన్ల కోసం భారీగా ఖర్చు చేస్తున్నామని, మహిళలకు ఉచిత బస్సు ప్రయాణం, ఉచిత గ్యాస్ సిలిండర్లు వంటి పథకాలు అమలు చేస్తున్నామని చెప్పారు.
About the Author
