అమెరికాను కుదిపేస్తున్న ఎప్స్టీన్ ఫైళ్లు: రాజకీయ, సెలబ్రిటీ వర్గాల్లో కలకలం
అమెరికా రాజకీయ వర్గాలు, సెలబ్రిటీ సర్కిళ్లనుపరుస్తున్న జెఫ్రీ ఎప్స్టీన్ కేసు మరోసారి దేశవ్యాప్తంగా చర్చనీయాంశంగా మారింది. గతంలో లైంగిక దుర్వినియోగ ఆరోపణలతో అరెస్ట్ అయిన ఎప్స్టీన్, జైలులో అనుమానాస్పదంగా మరణించిన సంగతి తెలిసిందే. అయితే ఇప్పుడు బయటకు వస్తున్న కొత్త ఫైళ్లు, రహస్య డాక్యుమెంట్లు ఈ కేసుకు మరింత మలుపు తీసుకువస్తున్నాయి.
ఈ డాక్యుమెంట్లలో పలువురు ప్రభావశీల వ్యక్తులతో ఎప్స్టీన్ సంబంధాలు ఉన్నాయన్న ఆరోపణలు వెలుగులోకి వస్తున్నాయి. రాజకీయ నేతలు, వ్యాపారవేత్తలు, ప్రముఖ వ్యక్తుల పేర్లు చర్చల్లోకి రావడంతో సోషల్ మీడియా వేదికగా తీవ్ర స్పందన కనిపిస్తోంది. అయితే ఇప్పటివరకు అధికారికంగా నిర్ధారితమైన జాబితా ఏదీ విడుదల కాలేదు.
అమెరికా దర్యాప్తు సంస్థలు ఈ అంశంపై మరింత లోతైన విచారణ చేపడుతున్నట్లు సమాచారం. ప్రజల్లో పెరుగుతున్న అనుమానాలు, ప్రశ్నలకు సమాధానాలు దొరుకుతాయా? లేక ఈ కేసు మళ్లీ ఫైళ్లకే పరిమితమవుతుందా? అన్నదే ఇప్పుడు కీలకంగా మారింది.
ఈ వ్యవహారం న్యాయవ్యవస్థపై, రాజకీయ వ్యవస్థపై ప్రజల నమ్మకాన్ని ప్రశ్నించే స్థాయికి చేరిందని విశ్లేషకులు అభిప్రాయపడుతున్నారు. రాబోయే రోజుల్లో విడుదలయ్యే సమాచారం అమెరికా రాజకీయాల్లో పెద్ద దుమారం రేపే అవకాశం ఉందని అంచనా