మండుటెండలకు ప్రసిద్ధి చెందిన అనంతపురం జిల్లాలో ఓ రైతు అసాధ్యాన్ని సుసాధ్యం చేసి అందరికీ ఆదర్శంగా నిలిచాడు. చల్లని ప్రాంతాల్లో మాత్రమే పెరుగుతాయని భావించే ఆపిల్ పంటను విజయవంతంగా సాగు చేసి లాభాలు ఆర్జిస్తున్నాడు.
జిల్లాలోని సిండికేట్నగర్కు చెందిన రైతు రమణారెడ్డి, తన రెండున్నర ఎకరాల పొలంలో మూడు సంవత్సరాల క్రితం ఆపిల్ సాగుకు శ్రీకారం చుట్టాడు. ప్రారంభంలో అధిక ఉష్ణోగ్రతల కారణంగా మొక్కలు ఆశించిన ఫలితాలు ఇవ్వకపోయినా, ఆయన వెనక్కి తగ్గలేదు.
ఇజ్రాయెల్లో ఉన్న తన స్నేహితుడి సలహాతో, వేడి వాతావరణాన్ని తట్టుకునే ప్రత్యేక రకం ఆపిల్ మొక్కలను తెప్పించాడు. 2024లో ఒక్కో మొక్కకు సుమారు ₹650 ఖర్చుతో 1,500 మొక్కలు నాటాడు. 45 డిగ్రీల వరకు ఉన్న ఉష్ణోగ్రతల్లో కూడా ఈ మొక్కలు బాగా పెరిగి మంచి దిగుబడి ఇచ్చాయి.
ఇటీవల కోసిన తొలి విడత పంటలో టన్ను ఆపిల్ పండ్లను బెంగళూరులోని మార్కెట్కు విక్రయించి దాదాపు ₹1.5 లక్షలు సంపాదించాడు. సాధారణ పంటలతో పోలిస్తే ఇది అధిక లాభదాయకంగా నిలిచింది.
About the Author
